Um kjúklingarækt
Kjúklingarækt er tæknivædd búgrein miðað við þær hefðbundnu í
landinu og kostar töluvert að koma kjúklingarækt í gang þegar allt er
gert eins og lög og reglugerðir segja til um. Kjúklingahús þarf að vera
a.m.k. eins gott og íbúðarhús hvað einangrun og vindheldni varðar, en
miklu vandaðra hvað rakaþol varðar vegna mikils vatnsgangs þegar húsið
er þvegið milli eldishópa eða á 7 vikna fresti. Upphitun þarf að vera
mjög öflug vegna loftskipta sem eru nauðsynleg svo að fuglarnir þrífist
eðlilega.
Góð umgengni og hreinlæti í eldishúsunum er mikilvægasti þátturinn í þessum búskap. Einnig má geta þess að hráefni í fóður kemur að stærstum hluta að erlendis frá og ýmsar bakteríur geta þannig borist inn í húsin um fóðurkerfin, þó að slíkt eigi ekki að gerast þar sem allt fóður er hitameðhöndlað. Brynningin er einnig stórt atriði, en hún hefur batnað mikið á síðari árum með tilkomu nipplabrynningarkerfa sem eru lokuð fyrir ryki og öðrum óhreinindum. Fóðrun og brynning er sjálfvirk í kjúklingahúsum og mega fuglarnir aldrei vera án fóðurs eða vatns.
Kjúklingar eru ekki hafðir í búrum eins og varphænur, heldur á gólfi þar sem borið er undir þá þykkt lag af hefilspónum. Hitastig í kjúklingahúsum er 31° í upphafi eldistíma og er síðan lækkað smátt og smátt niður í 21° - 22° þannig að betra er að hafa aðgang að ódýrri orku því hún er stór liður í eldinu.
Aðvörunarkerfi er alveg nauðsynlegt þar sem fuglarnir geta kafnað á tiltölulega stuttum tíma ef t.d. rafmagn fer af loftræstingu, bregðast þarf mjög skjótt við þess háttar uppákomum, reglugerð kveður á um vararafstöð.
Aldur fuglanna við slátrun er 5 vikur (mínus/plús 2 dagar) en þá er kjúklingurinn (í neytendapakkningum) 1,25 kg. að meðaltali. Eldishúsin eru látin standa tóm milli eldishópa í ca. 2 vikur til þurrkunar og sótthreinsunar. Sýnataka er mjög mikilvægur þáttur í kjúklingaeldi, þar sem tekin eru sýni úr eldishópum til að fyrirbyggja að Salmonella, Campylobacter og aðrar sýkingar komist til neytenda. Sýnin eru tekin einni viku fyrir slátrun þannig að niðurstaða liggur fyrir áður en að fuglunum er slátrað. Einnig eru tekin sýni í slátruninni sjálfri í sama tilgangi. Mikið átak hefur verið gert á undanförnum árum í sóttvarnarmálum, þetta hefur skilað sér vel í bættu heilbrigði fuglanna.
Góð umgengni og hreinlæti í eldishúsunum er mikilvægasti þátturinn í þessum búskap. Einnig má geta þess að hráefni í fóður kemur að stærstum hluta að erlendis frá og ýmsar bakteríur geta þannig borist inn í húsin um fóðurkerfin, þó að slíkt eigi ekki að gerast þar sem allt fóður er hitameðhöndlað. Brynningin er einnig stórt atriði, en hún hefur batnað mikið á síðari árum með tilkomu nipplabrynningarkerfa sem eru lokuð fyrir ryki og öðrum óhreinindum. Fóðrun og brynning er sjálfvirk í kjúklingahúsum og mega fuglarnir aldrei vera án fóðurs eða vatns.
Kjúklingar eru ekki hafðir í búrum eins og varphænur, heldur á gólfi þar sem borið er undir þá þykkt lag af hefilspónum. Hitastig í kjúklingahúsum er 31° í upphafi eldistíma og er síðan lækkað smátt og smátt niður í 21° - 22° þannig að betra er að hafa aðgang að ódýrri orku því hún er stór liður í eldinu.
Aðvörunarkerfi er alveg nauðsynlegt þar sem fuglarnir geta kafnað á tiltölulega stuttum tíma ef t.d. rafmagn fer af loftræstingu, bregðast þarf mjög skjótt við þess háttar uppákomum, reglugerð kveður á um vararafstöð.
Aldur fuglanna við slátrun er 5 vikur (mínus/plús 2 dagar) en þá er kjúklingurinn (í neytendapakkningum) 1,25 kg. að meðaltali. Eldishúsin eru látin standa tóm milli eldishópa í ca. 2 vikur til þurrkunar og sótthreinsunar. Sýnataka er mjög mikilvægur þáttur í kjúklingaeldi, þar sem tekin eru sýni úr eldishópum til að fyrirbyggja að Salmonella, Campylobacter og aðrar sýkingar komist til neytenda. Sýnin eru tekin einni viku fyrir slátrun þannig að niðurstaða liggur fyrir áður en að fuglunum er slátrað. Einnig eru tekin sýni í slátruninni sjálfri í sama tilgangi. Mikið átak hefur verið gert á undanförnum árum í sóttvarnarmálum, þetta hefur skilað sér vel í bættu heilbrigði fuglanna.