Grillaðar kjúklingabringur í snittubrauði (fyrir 4)

Hráefni

4 hamflettar kjúklingabringur (600 g)

Kryddlögur

1/2 dl ólífuolía
3 msk. ananassafi, ósykraður
1 msk. engiferrót, rifin
1 msk. sojasósa
1 tsk. rósmarín, þurrkað
1 tsk. nýmalaður pipar

Meðlæti

1 gróft snittubrauð
1 salathöfuð
1 rauðlaukur
rauð og gul paprika
6 msk. chillisósa

Aðferð

• Hrærið saman öllum hráefnunum í kryddlöginn.
• Raðið bringunum á fat og hellið kryddleginum yfir. Gott er að láta þær liggja þar í 2-3 klst. Snúið þeim nokkrum sinnum á meðan.
• Grillið bringurnar beggja megin á heitu grilli.
• Skerið rauf í brauðið og skerið síðan í fernt.
• Rífið salatið, skerið rauðlauk í hringi og setjið hvort tveggja ofan í raufarnar.
• Leggið bringurnar ofan á og skreytið með papriku.
Berið fram með chillisósu.