Slide background
KALKÚNN

Kalkúnakjöt nýtur sívaxandi vinsælda á matarborðum Íslendinga og má það eflaust rekja til þess að það er bæði hollur og fitusnauður matur. Kjötið er próteinríkt og auðugt að B-vítamínum og sinki. Íslenskt kalkúnakjöt er nú hægt að fá allan ársins hring, niðurhlutað jafnt sem unnið. Rík hefð er fyrir því að steikja kalkúninn heilan með fyllingu til hátíðabrigða, en kalkúnn er einn vinsælasti jóla- og áramótamatur á borðum Íslendinga.

 

Eingöngu íslenskt hráefni – og engin fúkkalyf
Í kalkúnaafurðir Ísfugls er eingöngu notað íslenskt  úrvalshráefni, framleitt án fúkkalyfja af Reykjabændum. Strangar gæðakröfur eru gerðar í öllu framleiðsluferlinu og þannig er lagður grunnur að vönduðum, hollum og ferskum kalkúnavörum.

Fjölbreytt úrval kalkúnakjöts
Ísfugl framleiðir fjölbreytt úrval kalkúnakjöts; ferskt, kryddað, ókryddað, reykt og unnið kalkúnakjöt, svo sem pylsur og álegg. Fyrir jól og áramót er lögð áhersla á að framleiða hátíðarmat á borð við fylltar og reyktar kalkúnabringur og hin sívinsælu kalkúnabringuskip.

Skráargatið – góð samsetning næringarefna
Stór hluti af kalkúnavörum Ísfugls uppfyllir skilyrði samnorræna merkisins SkráargatsinsSkraargat um minni og hollari fitu, minni sykur og minna salt en í öðrum vörum í sama flokki sem ekki uppfylla skilyrðin. Skráargatsmerkingunni er ætlað að auðvelda neytendum að velja þá vöru sem uppfyllir skilyrði um góða samsetningu næringarefna.

Sívaxandi spurn eftir kjöti án aukaefna
Ísfugl framleiðir einnig  kalkúnafurðir sem eingöngu innihalda 100% kjöt og því engin aukaefni. Slíkar vörur
eru í sérmerktum umbúðum. Þetta er gert til að mæta sívaxandi eftirspurn neytenda eftir kjöti án aukaefna.kjöt02

Heimaverslun Reykjabúsins
Fjölbreytt úrval af ferskum og frosnum kalkúnavörum er selt í heimaverslun Reykjabúsins; bringur, hakk, snitsel, strimlar, hakk, hamborgarar, grillsneiðar, pylsur o.fl. Sérstök áhersla er lögð á að selja vörur sem eru 100% kjöt án allra aukaefna.

Nánari upplýsingar um heimaverslunina og opnunartíma er að finna á vef
Reykjabúsins
.

Reykjabúið sér um dreifingu og sölu á heilum kalkúnum til verslana og veitingastaða.

Hollusta kalkúnakjöts
Kalkúnakjöt er afar vel samsett næringarfræðilega; próteinríkt og fitusnautt í senn. Kjötið er jafnframt auðugt af B-vítamínum og sinki. Kalkúnn telst til „ofurfæðis“ eða orkufæðis, samkvæmt skilgreiningu David Wolfe. Ofurfæði er sú fæða sem í gegnum aldirnar hefur reynst mest orku- og næringargefandi af öllu því sem stendur til boða að nærast á.